القطيعة مع الفوضى والتسيب بمدينة الفنيدق
#طلقو عينكم مزيان وشوفو مزيان وفكرو مزيان . القطيعة مع الفوضى والتسيب لي كان فهاذ المدينة .
#مايجيش شي وحد راسو مربع ويقولي الدراوش . عندي سؤال جاوبوني عليه .!!!
واش لي عندو تفريشة فيها 6 متر فالشارع وفيها المانغا والكيوي و لافوكا واللنغاس على الأنواع والبابايا و وزيد وزيد .. السلعة تقريبا 10 دالمليون واش هذا باىع متجول ؟ واش هذا درويش ؟
ونزيدكم واش عارفين بأن السلعة ديال واحد أو جوج دالناس كيجيبو الخدامة وكيفرقو ليهم السلعة ؟ واش عارفين ان هاذ الناس يوميا كيربحو من مليون حتى لجوج فالنهار ، حيث مسيطرين على كل الشوارع فالفنيدق ؟
#المهم عندنا احنا كسكان ديال الفنيدق هو القطيعة مع هاذ التسيب لي كان شحال هاذي .
#علاش القطيعة ؟ لان هاذوك كانوا كيوزعو القفة دفروطة والخضرة على المسؤولين بل الصنادق ، وكانو المخزنية كياخذو النصيب ديالهم تماك ، ومعروفين هاذ المخازنية ؛ من العلام حتى لعبد السلام لي مخليين المكروبات ديالهم تماك و كيدفعو بعض العساسة هوما لي كيتخلصو كوسطاء.
#عرفتو علاش دابا كنبغيو الدكتور البختي علاء الدين ؟ لانه ولد الأصول ومربي مزيان وشبعان ؛ ماشي فلوس ؟ شبعان عفاف وكفاف والغنى عن الناس .. عرفتو علاش هاذ السيد غادي تحرافلكم معاه ؟ لانه متشبع بالوطنية ديالو وايضا كيدير خدمتو لي أدى القسم عليها .
لن أقول لك السيد الباشا الا كلمة : سير سير سير احنا معاك وربي ورضاة الوالدين .